الخميس، 21 يونيو 2012

إديني عقلك !!

عاجل: مطابع الأميرية زورت مليون صوت لصالح محمد مرسي في إنتخابات الرئاسة بعد رشوة مقدمة من خيرت الشاطر قدرها 20 مليون جنيه .
س:هي مش مطابع الأميرية جهة حكومية؟                                                ج:أيوه
س:طب هو مش مراقبي طباعة وأمن بيراقب كل ماكينة طباعة ؟                       ج:أيوه
س:طب هو الإنتخابات القاضي بيراجع كل طاقات التصويت قبل بدء الإنتخابات؟     ج:أيوه

س:مش أمين سر اللجنة بيبص علي ورقة الإنتخاب قبل ما حضرتك تصوت فيها؟    ج:أيوه
س:طب مش القاضي بيعد بطاقات التصويت أول اليوم وبيعد الباقي آخر اليوم 
ويقارنها بأصوات من أدلوا بأصواتهم ؟                                                   ج:أيوه
س:طب مش مندوبي المرشحين بيبقوا واقفين وبيراجعوا ع الكلام ده ؟                ج:أيوه 
ببساطة كده وبعد إجابتك علي الأسئلة أحب أقولك إنك
1- تتهم القضاة بالتزوير ليس فقط هذا بل بالتزوير لصالح مرسي أمام شفيق .

2- تتهم أمناء ير اللجنة بالتزوير لصالح مرسي .
3- تتهم عمال المطابع الأميرية والأمن المراقب لهم بالتزوير لصالح الإخوان .
4- تتهم مندوبي شفيق بالتزوير لصالح مرسي (المرشح المنافس) !!! 

تساؤلات شريرة .

لماذا الإخوان لم يستخدموا هذه الرشوة الجبارة مع الحزب الوطني ؟!
لماذا لم يستخدموا هذه الطريقة من الجولة الأولي لضمان فوز مرسي بفارق كبير ؟!
لماذا لم يستخدموا تلك الطريقة لفوز كل قوائمهم في مجلس الشعب ليحصلوا علي الأغلبية وليس فقط النصف ؟!

شكرا ...... لإجابتك تلك الأسئلة

 

الاثنين، 18 يونيو 2012

وتستمر الثورة ,,

مبروك فوز د/ مرسي في إنتخابات رئاسة الجمهورية وهو منصب خادم الوطن . د/ محمد مرسي رئيساً لفترة رئاسية كاملة مدتها 4 سنوات بصصلاحيات كاملة بإرادة الشعب المصري . أي قانون أو إعلان دستوري آخر يضعه المجلس العسكري مخالف هذا لقواعد اللعبة السياسية  التي تنص ع معرفة القواعد ف بداية اللعب . فهل من المنطقي أن نغير قواعد اللعبة عندما نصل لنهايتها لمجرد أن النتيجة لم تعجبه !!! أم أن المجلس العسكري يريد تحصين نفسه !!! فليتذكر جيداً وثيقة السلمي التي تم إسقاطها . لا شئ إسمه لجنة الأمن القومي إلا إذا رأي رئيس الجمهورية ذلك ولا يتم تنفيذه إلا بعد مروره علي مجلس الشعب وموافقته .
كل ما يفعله الآن المجلس العسكري من سلطة تشريعية يعتبر لاغي لأنه سلم السلطة التشريعية لمجلس الشعب ولا يحق له وفقاً للإعلان الدستوري أن يحل مجلس الشعب .
مجلس الشعب جاء بإرادة شعبية حرة حتي ولو إختلفنا مع بعض أعضاءه أو أغلبهم فهذه هي الديمقراطية . بعض من الجزء الفردي الذي كان به أخطاء منذ إنتخابه فليعاد إنتخابه مجدداً ولكن لا يحل المجلس .
المجلس العسكري أقر بتسليم كل سلطات رئيس الجمهورية في آخر يونيو 2012 بعد مماطلة من آخر أغسطس 2011 وما يحدث الآن سحب ما أنجزه الشب من تسليم للسلطات وعدم الوفاء بالعهد .
*الخلاصه :
     د/ محمد مرسي رئيساً لجمهورية مصر العربية لمدة رئاسية  كاملة مدتها 4 سنوات بصلاحيات رئيس الجمهورية كاملة ,مجلس الشعب هو الذي إختاره الشعب وله فترة كاملة بصلاحيات مجلس الشعب .
  أي شئ غير هذا يعتبر عبث سياسي وعدم وفاء بالعهد وعلي الباغي تدور الدائرة
// أطالب د/محمد مرسي بتنفيذ النموذج التركي .أعانك الله لخدمة الوطن. فإن أصبت فنحن ندعمك وإن أخطأت سنحاسبك .

               عاشت مصر عزيزة حرة مرفوعة الرأس

السبت، 9 يونيو 2012

ميصعبش عليك فاسد ......!!!

لكل إخوتي في الوطن الذي يصعب عليهم ما يسنعونه عن الرئيس المخلوع مبارك أحب أن أقول لكم أنني أيضاً إنسان أشعر ولي دم مثلكم ولكنني لا يصعب عليا مبارك !!!!
نعم لا يصعب عليا مبارك لأنني كل ما أسمع عنه أتذكر كم الشباب الذي قتلهم والشباب الذي أصابهم في عيونهم غير ما قام بتعذيبهم ف سجونه ومعتقلاته طوال فترة حكمه وما قام به من إنتهاك لحقوق المسلم والمسيحي .
أتذكر ما قام به ليلة رأس السنة الميلادية في كنيسة القديسين وقتل الإخوة المسيحين في عيدُ لهم .أتذكر ما قام به مع الشاب السلفي سيد بلال متهماً إياه بتفجير الكنيسة بل وقتله ظلماً. أتذكر التعذيب والتنكيل الذي قام به ضد الإخوان والإشتراكيين وشباب 6 أبريل ومجموعات الألتراس .
أتذكر مدي الإهانة الذي كان يتعرض لها المواطن عندما يتعامل مع جهاز الشرطة الفاسد في هيكله . أتذكر خالد سعيد وما فعلوه به . أتذكر كارثة العبارة وقطار الصعيد وسيول أسوان والدويقة . أتذكر 40% من المصريين تحت خط الفقر (لا يصل قوت يومهم 1 دولار ) أتذكر 20% من المصريين في مستوي خط الفقر . أتذكر الأعداد المصابة بإلتهاب كبد وبائي و السكر والسرطانات الذي أصبح يصاب بها الصغار قبل الكبار . أتذكر 60% من المصريين لا يعرفوا القراءة والكتابة .
لذلك لا يصعب علي مبار الفاسد الذي أفسد مصر ونهبها . لأنه هو الذي فعل بنفسه كل ذلك ,ومع كل ذلك مازال حق مصر لم نأخذ منه ولن نترك حقنا وحق مصر يوم القيامة وأحب أقولك أخي ف الوطن ...... ميصعبش عليك فاسد

الثلاثاء، 5 يونيو 2012

إنتهي عصر الأسياد.......

إنتهي عصر الأسياد والعبيد. الموجود علي أرض مصر كلهم مواطنين مصريين من الدرجة الأولي لا يفرق بينهم لا جنس ولا دين ولون ولا حزب ولا جماعة . كلهم مصريين ومن الدرجة الأولي لهم نفس الحقوق وعليهم نفس الواجبات.
حينما يخرج أحد أعضاء حزب الحرية والعدالة علي الشاشة ليقول لأحد معارضينه "الإخوان المسلمين أسيادك" .
فهذا مرفوض شكلاً وموضوعاً حت لو كان إستفزه هذا المعارش بأي طريقة فالأخلاق قبل شئ وعلي المشاهد هو الذي يفرز ويحدد ,ولا يليق أيضاً بأستاذ جامعي أن يسب أحد يختلف معه فكراً وحتي لو إستفزه .

أنتم تعلموا الشعب ....فماذا تعلموه ؟؟؟!!!
هل هذه آداب الإختلاف ؟؟!! هل هذه آداب وأخلاق النقد ؟! إلي متي سنظل متأخرين ؟!
يسرني موقف الحزب عندما يعلن أن هذا تعبير من شخص مسئول عن نفسه ,ويحزنني أن الحزب لم يحيله للتحقيق معه داخلياً وفرض عواقب عليه عما بدر منه .
أتمني أن نكون جميعاً كل القوي السياسية بكامل إختلافاتها من اليمين إلي اليسار أن نكون علي قدر المسئولية وأن نتحلي بالأخلاق .
 الواقـــــــــــــــــــــــــــــــــــعة!!

إعتذار رئيس الكتلة البرلمانية لحزب الحرية والعدالة.
الأخـــــــــــــــــــلاق ...ثم
                        الأخـــــــــــــــــــــــــــــــلاق.... ثم
                                                الأخــــــــــــــــــــــــــــــــــــــــــــــــــلاق 

**الخطاب للجميع لمن أخطأ من الإخوان والدكتور الجامعي 

الأحد، 3 يونيو 2012

جيل جديد.. بفكر جديد

احنا جيل البلاي ستيشن والأتاري ومش بنسيب لعبة إلا لما قفلها حتي لو قتلنا الوحش 100 مرة , ومش هنيسيب الثوره دي إلا لما نقفلها . احنا جيل جزء منه ربنا يشفيه وجزء ربنا يرحمه وجزء ربنا يفك سجنه .إحنا جيل شاف كل حاجة وعكسها مرة إتصور جنب الدبابة ومرة إتصور تحتها . إحنا جيل اتصور مع صباعه البمبي. احنا جيل بيخاف من امه اكتر ما بيخاف من ضرب النار. احنا جيل إمامه الشيخ عماد عفت و يحمل رايته مينا دانيال . احنا جيل عمل حظر تجول للداخلية. إحنا الجيل لما فرضوا حظر تجول نزلنا نتفرج عليه. احنا جيل راح ماتش كورة مات. احنا جيل بيجري ويتسابق ورا قنبلة الغاز. احنا جيل بيكتب وصيته ويطلع شهادة وفاته قبل البطاقه . احنا جيل مفيش أى سبب يخلينا نحب البلد دى . و مع ذلك ممكن نموت عشان ترابها . احنا جيل بيقول للحاكم : قــــــــــــوم ومش هاقعد مطرحــــك .  احنا جيل لا اتغذى كويس ولا اتعالج كويس ولا اتعلم كويس , لكنه بيفكــــر كويس . احنا جيل شكله هيخلص ومش هيلحق يحكى حاجه للجيل اللى جاي .  احنا جيل بيحــــارب علشان أولاده .. اللي لسه ما خلفهمـــش . احنا جيل كسر حاجز الخوف اللي محدش قدر يكسره من 60 سنة . احنا جيل من أفعاله تتولد الأفكــــــــــــــار . احنا جيل اتربى على التليفزيون المصرى وبرضة متأثرش بية احنا جيل حُـــــــــــــــــــــــــــــــــــــــــــــــــــر... ولو حتي شاف المر.

لحظة تروي: الأخلاق أولاً

لحظة تروي من كل شاب وكل فتاة . لحظة تروي نحن خرجنا من أجل عيش ,حرية ,كرامة , عدالة ,إنسانية تلك هي مطالب الثورة التي نناضل من أجلها .نريد وطن جديد ولكن مبني علي الأخلاق والعلم والتكنولوجيا. دولة مدنية حديثة قائمة علي الأخلاق والعلم .فالأخلاق لدينا رقم 1 ولاشيئ رقم 1 غيرها .إعترض وبشدة ,ثور ,تظاهر ,إعتصم ولكن بأدب دون سب بأحد دون تجريح لأحد .دون إستخدام ألفاظ نابية .ترفضها أخلاقنا ,وأخلاق مجتمعنا ,وأخلاق أدياننا. بشــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــدة.
*عاهدت الله قبل أن أعاهد نفسي ألا أسب أحد أعترض معه هذا عهداً بيني وبين الله وكل من سيقرئ هذي الرسالة شاهدٌ علي ذلك . 
فالأخلاق ثم الأخلاق ثم الأخلاق .

                                                     الأخلاق أولاً

الجمعة، 1 يونيو 2012

بس يا أبو لسان طويل

انا قعدت مع نفسى و لقيت قدامى 3 اختيارات
اما .. مرسى اما .. شفيق اما .. مقاطعة الانتخابات و الاختيار ده مش عجبنى عشان هضيع حقى و كده كده الانتخابات هتتعمل يبقى اشارك و ادى صوتى للى شايفة احسن
لقيت الاخوان (مرسى) قالوا مش هنرشح حد للرياسة و رشحوا يعنى كدبوا علينا هتقولى اهو ... الاخوان كدابين .... انتخب شفيق بقى
لا يا ابو لسان طويل
رحت ابص على شفيق .. لقيته برده اول ما مسك رئيس وزارة قال مش هرشح نفسى للرياسة و اترشح .... يعنى هو كمان كداب
قلت اقارن من ناحية تانية
رحت لمرسى لقيت الناس بتقول ان الناس بتوع حملته بيعاملوا الشعب وحش و لسانهم طويل و بيشتموا فى شفيق و ناس اشتكت منهم هتقولى اهو .... بتوع مرسى معندهمش ادب انتخب شفيق
لا يا ابو لسان طويل
لقيت اللى ماسكين حملة شفيق و بيعملوا ليه دعاية ازبل خلق الله هقول على اللى انا شيفه بعينى اللى ماسك حملة شفيق فى الدايرة بتاعتى عضو حزب وطنى و عضو مجلس شعب سابق اللى اتحل ايام الثورة
باع اللى وراه و اللى قدامه عشان يدخل مجلس الشعب و يمص دم الناس و سمعته زفت عندنا هتقولى انتخبتوه ليه هقولك دة وصل مجلس الشعب فى الانتخبات بتاعت 99% حزب وطنى و فى انتخابات ما بعد الثورة اترشح مستقل و سقط
قلت اقارن من ناحية تانية
رحت لمرسى اشوف البرنامج لقيت مشروع النهضة و هيتنفذ على حوالى عشرين سنة بس مشروع واضح و خطواته موجودة بس عشرين سنة يعنى الاخوان هيمسكونا عشرين سنة ؟؟هتقولفى شفت .. الاخوان حاطين مشروع فى عشرين سنة عشان محدش يتكلم و يقولوهم انتم عملتوا اية غير بعد عشرين سنة .. انتخب شفيق
لا يا ابو لسان طويل
بصيت عند شفيق لقيت برنامج غير واضح المعالم ... القضاء على البطالة و اللاهتمام بالفقراء و الفلاحين ... الكلام المرسل العادى يعنى مش حاطط هدف معين لسه هيفكر يعمل اية بس قال هرجع الامن فى 24 ساعة
(بينى و بينكم انا اصدق واحد عمل مشروع لعشرين سنة و مصدقش واحد قال هرجع الامن فى 24 ساعة ) ما علينا الاتنين مش تمام
قلت اقارن من ناحية تانية اصل انا فاضيلهم مش ورايا جامعة.
رحت اشوف مين مع مرسى لقيت دكتور ابو الفتوح و العوا و الشيخ حازم و مشايخ السلفيين دول الاسلاميين و معاهم الليبراليين يسرى فودة و بلال فضل و وائل غنيم و تميم البرغوثى و كتير من شباب الثورة و الشخصيات المرموقة
هتقولى انتخب شفيق معاه ناس احسن و محترمين
لا يا ابو لسان طويل
لقيت اللى مع شفيق اولا من يطلقون على انفسهم ابناء مبارك يعنى اللى عاوزين مبارك يرجع تانى يحكم بالاضافة الى اعضاء مجلس الشعب المنحل اللى دخلوه عشان يمصوا دم الناس و كمان اولاد و اقارب الوزراء السابقين اللى محبوسين دلوقتى فى قضايا فساد و معاهم ناس تانية بردة محترمين بس مغيبيبن و معملهم غسيل مخ بالاضافة للرقصات فيفى و دينا و الهام شاهين و ليلى علوى و غيرهم
و اللى شايفنى كداب يقولى
(بينى و بينكم حاجة متشرفش و انا مرضاش يبقى صوتى فى وسط اصوات العالم الحرامية دول حتى لو شفيق نضيف لازم يتخلص من مستنقع الوساخة اللى مساكين حملاته)
قلت اقارن من ناحية تانية
مرسى راجل مدنى (مهندس و انا فى هندسة  )
و احنا مفيش رئيس مدنى مسكنا قبل كده هتقولى مرسى مش هيعرف يرجع الامن عشان مدنى
لا يا ابو لسان طويل
شفيق عسكرى و احنا مجربين العسكرى و اللى بتقول ان شفيق هيرجع الامن عشان عسكرى على اساس ان المشير معاه دبلوم صنايع ؟ ما هو عسكرى و مش عارف يرجع الامن
قالت اقارن من ناحية تانية
رحت لمرسى لقيت الناس بتقول عليه مش هنعرف نخلعه لو طلع وحش عشان مش هيسمح بالاحتجاج و المظاهرات
هتقولى اهو هيقطعنا و هيحبسنا كلنا انتخب شفيق
لا يا ابو لسان طويل
ما انت لسة من نص دقيقة قلت مش هيعرف يرجع الامن .... بقى بذمتك واحد مش هيعرف يرجع الامن و هيعرف يقضى على المظاهرات
بصيت عند شفيق لقيتة بيقول وش كده هستخدم الجيش فى حاله اى مظاهرات ضدى و ما حدث فى العباسية بروفة لذلك ...
قلت اقارن من ناحية تانية اووووف بقى احترت
موقفهم من الثورة
رحت لمرسى لقيت الاخوان نزلوا الثورة ... نزلوا متأخر ( ان تأتى متأخر خير من الا تأتى ابدا) مات منهم ناس بس سبونا نتقتل فى ماسبيرو و محمد محمود
هتقولى شفت خانوك .. انتخب شفيق
لا يا ابو لسان طويل
بصيت على شفيق لقيته هو اساسا من النظام اللى قتلنى مش منطق انى ازعل من واحد مدافعش عنى و اروح برجلى للى قتلنى
كل الكلام اللى بيتقال على الاخوان دلوقتى .. توقعات مش اكتر .. لكن شفيق عارفين هيعمل اية زى ما عمل قبل كده
بعد معادلتى دى اكتشفت انه هنتخب ان شاء الله مرسى
لو مرسى مش هيحقق اللى بنتمناته كله ... شفيق هيبقى اسوأ مما نتخيل
و من غير معادلات مرسى تفكر قبل ما تنتخبه ... شفيق ترفضه من غير ما تفكر
**بعض أجزاء من هذا المقال منقول من مدونة أخري.

مطلوب رد عاجل

مطلوب رد عاجل الآن من كل أنصار الفريق شفيق .رداً علي هذه ....... التي قالها سيادة الفريق .فكلما يتكلم يخرج من فمه ما يمسك عليه من إتهامات له .لن أتحدث طويلاً وسأترك سياتدة الفريق يتحدث عن نفسه وبرنامجه ....
**إضغط علي كل نقطة لمشاهدة الفيديو الخاص بها
1-مبارك مثلي الأعلي لحد آخر يوم في حياتي
2-الجمال والأحصنة راحت التجرير ترقص مع المتظاهرين 
         (لو كان كلف خاطره وفتح أي قناة كان هيعرف نوع الرقص )
3-شفيق يهدد معارضيه ومعه تقارير عنهم من أمن الدولة 
4-لو الشعب نزل الشارع هخلي الجيش يتصرف 
5-للأسف الثورة نجحت!!
6-لن أترشح للرئاسة لكبر سني!!
7-اليهود ليس أعدائنا بأي حال من الأحول
                   (المقصود هنا باليهود إسرائيل)

8-أثناء الثورة ,أكثر من 90% من مطالب الثورة تحققت 
            (وأيضاً يزيف الحقئق بأن من يمنع الموجودين في الميدان من الخروج هو الإخوان , فرق تسد)
9-يعترف بالإعتقالات من الشرطة العسكرية لبعض الشباب بعد التهرب من الإجابة
10-نحمل الجميل لأمريكا ونحمل الجميل لمبارك
11-يريد كسب أصوات الإخوة المسيحين
   (يأحف الآيات القرآنية إما أضع بعض النصوص الإنجيلية )
      هل سيفرق مع أي مسلم أن يحفض المسيحيين النصوص القرآنية !!! (فكر قال لييه كده) 

غير الكثير من فساد مصر للطيران ولكن فساد وزارة الطيران المدني  مالي فعندما ننتهي من فساد السياسة التي عرضت جزءاً منها نتحدث في الفساد المالي لوزارة الطيران ليس تقليلاً من الفساد المالي فهو أكثر أهمية من السياسي ولكن كما طلب الفريق من قبل أن نتحدث في المستقبل .
***أتمني ردود من مؤيدي الفرق في كومنتات .